منتدى الكشافة الجوية بالاسكندرية
عزيزى العضو أهلا ً بك فى منتدانا ونتمنى أن يحوذ المنتدى على إعجابك ولكن لكى تستطيع التصفح الكامل لجميع موضوعات المنتدى يتعين عليك أولا تسجيل الدخول
شكرا ً لإختيارك منتدانا
إدارة المنتدى


منتدى الكشافة الجوية بالاسكندرية منتدى خاص بجمعية الكشافة الجوية المركزية فرع الإسكندرية
 
الرئيسيةفيديو الكشافة االيوميةس .و .جالتسجيلدخول
مرحبا بكم فى منتدى الكشافة الجوية بالاسكندرية

شاطر | 
 

 فن الاراجوز

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
المدير العام
المدير العام
avatar

عدد المساهمات : 216
تاريخ التسجيل : 16/09/2009
العمر : 39
الموقع : http://alexairscout.forumotion.com

مُساهمةموضوع: فن الاراجوز   الخميس سبتمبر 24, 2009 3:00 pm

الأراجوز كلمة معروفه جت من كلمه مصريه قديمه و هى " الاوروجوز ".
الأراجوز ( القره قوز - الأرا أوز ) فن شعبى اذدهر فى مصر فى أواخر العصر المملوكى (1250- 1517)، و كان وسيله لتسلية الناس جنب خيال الضل. و زى خيال الضل كان بيعبر ساعات عن أوضاع اجتماعيه و سياسيه فى مصر. من اشهر فنانين الأراجوز فى العصر الحديث كان الفنان شكوكو (1912 - 1985).
فى عروض الأراجوز بيستخبى " الأراجوزاتى" تحت ترابيزه و بيحرك العرايس بخيوط مشدوده تحت الترابيزه اللى عليها العرايس ، و فى نسخه أحدث الأراجوزاتى بيستخبى ورا لوح خشب و بيدخل ايديه فى العرايس و بيحركها بصوابعه فوق لوح الخشب و بيتكلم عن لسانها بأصوات مختلفه و هو حاطت فى بقه حاجه بتغير صوته. زى خيال الضل عروض الأراجوز بتتعمل فى الشوارع و الميادين و الجناين و المسارح.
عرايس الأراجوز بتختلف عن عرايس الماريونيت اللى بيحركها فنان من فوق بخيوط متصله بأعضائها المختلفه ( زى أوبريت الماريونيت المصرى المعروف بالليله الكبيره ). و بتختلف عن عرايس خيال الضل فى انها بتتعمل على الشكل الاسطوانى للجسم مش على شكل رقايق جلد أو خشب أو كارتون. و العرايس بتلبس هدوم و لها وش له وضع تعبيرى معين بيدل على شخصية العروسه. عادة الوش له ملامح بتضحك.
عروض الأراجوز اقرب للتهريج الشعبى من فن خيال الضل و كلامها عادة مرتجل حسب ظروف الموقف مش تمثليات ( بابات ) مكتوبه مسبقاً زى فى خيال الضل.
عروض الأراجوز بشكله المصرى كانت موجوده فى مصر قبل الغزو العثمانلى ( 1517 ). و ده بييرجح ان الاراجوز زى خيال الضل ( اللى سموه التراكوه أراجوز ) اتنقل من مصر لتركيا عن طريق العثمانيين و انتشر فى أوروبا اللى ظهر فيها بشكله المصرى فى فتره لاحقه. أو كان موجود فى مصر و تركيا قبل 1517.



عدل سابقا من قبل Admin في الخميس سبتمبر 24, 2009 3:01 pm عدل 1 مرات (السبب : تغيير اللون)
الرجوع الى أعلى الصفحة اذهب الى الأسفل
http://alexairscout.forumotion.com
 
فن الاراجوز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الكشافة الجوية بالاسكندرية :: منتدى الثقافة والفن-
انتقل الى: